/1924-2000/. Баян-Өлгий аймгийн Алтанцөгц сум. Баян-Өлгий аймгийн Далакөл сумын “Алта өлке” нэгдлийн хоньчин байхдаа Монгол Улсын Хөдөлмөрийн баатар /1959-12-24. №218/.
МАХН-ын дээд сургуульд суралцаж 1947 онд төгсчээ. 1933-1942 онд хилийн заставт ажилчин, 1942-1944 онд хилийн цэрэгт байлдагч, 1950-1951 онд МҮЭ-ийн Төв Зөвлөлийн Налайхын уурхайг хариуцсан байцаагч, 1952-1955 онд Баян-Өлгий аймгийн Дэлүүн сумын намын үүрийн орлогч нарийн бичгийн дарга, клубын эрхлэгч, ахлах ухуулагч, 1955-1956 онд мөн сумын “Харганат” нэгдлийн дарга, 1956 оноос нэгдэлд хоньчноор ажиллажээ. 1959, 1960 онд 298-523 хонь төллүүлж 301-523 хурга бойжуулж, нэгжээс 2500-2800 грамм ноос авч бахдам амжилт гаргажээ. Ардын Их Хурлын депутатаар 2 удаа, АИХ-ын орлогч даргаар сонгогдож, МАХН-ын 3 удаагийн их хуралд төлөөлөгчөөр оролцож, НТХ-ны гишүүнээр сонгогдож, нэгдэлчдийн II их хуралд төлөөлөгчөөр оролцож байжээ. Сүхбаатарын одон, “Алтан гадас” одон, Хөдөлмөрийн хүндэт медаль, Ардын хувьсгалын болон ялалтын ойнуудын медалиудаар шагнагджээ.

Нэмсэн Үзэлт Нэмэгдсэн chnergui 2,630 03/02/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)