/1920-1975/ Өвөрхангай аймгийн Дөлгөөн сум. Төв аймгийн Батсүмбэрийн сангийн аж ахуйн ногоочин байхдаа Монгол Улсын Хөдөлмөрийн баатар /1961-01-11. №10/. Эмэгтэй.
1936 онд хөдөөгөөс Улаанбаатарт очиж сувилагчийн түр дамжаанд орж суралцаж төгсөөд төв больницод жижүүрийн сувилагчаар 7 жил ажиллаад Төв аймгийн Батсүмбэр сумын нутаг Сөгнөгөр дэх цэргийн аж ахуйд очиж ажилчин болж, улмаар уг аж ахуй 1954 оны VI сард сангийн аж ахуй болж өөрчлөгдөхөд Сөгнөгөрийн ногооны тасагт ногоочин болжээ. Уг сангийн аж ахуйд ногоочноор 21 жил ажиллахдаа агрономичийн хэмжээний мэдлэг, дадлагатай болж жил бүрийн ургац авах төлөвлөгөөг тогтмол давуулан биелүүлсний дотор га тутмаас 1959 онд 32 тонн  байцаа, 21 тн төмс, 1960 онд 53 тн байцаа, 25 тн сонгино, 51 тн манжин хурааж, аж ахуйдаа 485 мянган төгрөгийн цэвэр ашиг оруулж бахдам амжилт гаргасны сацуу 30-аад хүнийг ногоочны ажилд дагалдуулан сургасан байна. Ардын Их Хурлын депутатаар 2 удаа сонгогдож, МАХН-ын ХV их хуралд төлөөлөгчөөр оролцжээ. Сүхбаатарын одон, Хөдөлмөрийн гавьяаны улаан тугийн одонгоор тус бүр 2 удаа, медалиудаар шагнагджээ.

Нэмсэн Үзэлт Нэмэгдсэн chnergui 2,134 16/02/2012 Найздаа илгээх Таны нэр: Таны имэйл хаяг: Хүлээн авагчийн имэйл хаяг:

Үнэлэх Нэвтрэнэ үү Үнэлгээ (0)