Меню

/1923/. Завхан аймгийн Тэлмэн сум. Өвархангай аймгийн Хархорины сангийн аж ахуйн тракторч-комбайнч байхдаа Монгол Улсын Хөдөлмөрийн баатар /1961-01-11. №13/.
Төв аймгийн Жаргалантын сангийн аж ахуйн дэргэд 1940-өөд онд байгуулагдсан “Ардын залуучуудын сургууль” хэмээх тракторын жолоочийн байнгын дамжаанд суралцаж мэргэжил эзэмшээд уг сангийн аж ахуйд, улмаар Өвөрхангай аймгийн Хархорины сангийн аж ахуйд тракторч комбайнчаар олон жил ажиллажээ. 1957 онд “С-6” комбайн аваад 9 жилд 3000 га-гийн ажил хийхээр амласнаа хугацаанд нь 446 га-гаар давуулан биелүүлсний дотор ажлын 14-18 өдөр, анхны жилдээ 376 га, 1958 онд 445, 1959 онд 382, 1960 онд 429 га-гийн тариа хадаж, төлөвлөгөөг 65-85 хувиар давуулан биелүүлж, энэ 4 жилд нийтдээ 1622 га-гийн тариа хадаж, нэгж талбайгаас дунджаар 12,5 центнер ургац хурааж, 1960 оны хавар ажлын 12 өдөрт 672 га талбайд үрэлгээ хийж төлөвлөгөөгөө 149 хувиар биелүүлж бахдам амжилт гаргаж байжээ. Сүхбаатарын одон, “Алтан гадас” одон, медалиудаар шагнагджээ.