Меню

/1921-2000/. Говь-Алтай аймгийн Эрдэнэ сум. Говь-Алтай аймгийн Эрдэнэ сумын “Чойбалсангийн зам” нэгдлийн хоньчин байхдаа Монгол Улсын Хөдөлмөрийн баатар /1961-04-15. №100/. Эмэгтэй.
Бага наснаасаа мал маллагааны эрдэм ухаанд суралцаж өөрийн хичээл зүтгэлээр алдарт малчин болжээ. 1956 онд төрөлх сумандаа байгуулагдсан нэгдэлд элсэж олон жил хоньчноор ажиллахдаа 1961 оны 3 дугаар сарын 17-26-нд тавьсан 9 хоногийн их цасан шуурганаар хариуцсан 1200 эр шүдлэн хонио хээр хөдөө ганцаараа хорьж тогтоон байгалийн гамшгаас тоо толгой бүрэн аварч гарамгай гавьяа байгуулжээ. Үүний урьд жил төлөг бүрээс дунджаар 1400 грамм ноос авч, хонь бүрт дундаас дээш тарга хүч авахуулж, 1250 хөдөлмөр өдөр бүтээж сум, нэгдлийнхээ хөдөлмөрийн аварга болж байжээ. Сүхбаатарын одон, медалиудаар шагнагджээ.