Меню

/1921-1982/. Дорнод аймгийн Баян-Уул сум. Дорнод аймгийн Эрээний тэрэгний үйлдвэрийн ажилчин байхдаа Монгол Улсын Хөдөлмөрийн баатар /1961-11-14. №290/.
Дорнод аймгийн Баяндун сумын үйлдвэр хоршооллын артельд 1946 онд орж хөдөлмөрийн гараагаа эхэлснээс хойш мөн аймгийн Баян-Уул сум дахь Эрээний тэрэгний үйлдвэрт мужаан, мастер, цехийн даргаар 30 гаруй жил ажиллажээ. Хөдөлмөрийг механикжуулах, үйлдвэрлэлийн технологийг боловсронгуй болгож үр ашгийг дээшлүүлэхэд олон жилийн хүч зүтгэлээ зориулж шинэ бүтээл оновчтой санал нэлээдийг гаргаж үйлдвэрлэлд нэвтрүүлсний гадна хөдөлмөрийн хамт олныг чадамгай удирдаж бүтээгдэхүүнээрээ дорнод монголын малчдын хөсөг тээврийн гол хэрэгслийн хэрэгцээг хангаж байжээ. Ардын Их Хурлын депутатаар гурван удаа сонгогдож, МАХН-ын XV их хуралд төлөөлөгчөөр оролцжээ. Сүхбаатарын одон, Хөдөлмөрийн гавьяаны улаан тугийн одон, “Алтан гадас” одон, медалиудаар шагнагджээ.