Меню

/1932-2000/. Баян-Өлгий аймгийн Толбо сум. Налайхын уурхайн хэсгийн мастер байхдаа Монгол Улсын Хөдөлмөрийн баатар /1962-12-25. №221/.
Налайхын нүүрсний уурхайд 1947-1973 онд 26 жил бэхэлгээчин, мастераар ажиллахдаа үйлдвэрлэлийн үр ашгийг нэмэгдүүлэх, төлөвлөгөөт зорилтыг давуулан биелүүлэхийн төлөө ямагт чармайн ажиллаж бахдам амжилтууд гаргаж байжээ. Нүүрсний далд уурхайн хөдөлмөр зохион байгуулалтыг оновчтой хийж, үлгэр жишээ болсон дээд амжилтуудыг удаа дараа тогтоож олон хүнийг ажил мэргэжилдээ дагалдуулан сургасан байна. Ардын Их Хурлын депутатаар сонгогдож, МАХН-ын их хурлуудад төлөөлөгчөөр оролцжээ. Сүхбаатарын одон, Хөдөлмөрийн хүндэт медаль, Ардын хувьсгалын ойн хүндэт медалиудаар шагнагджээ.