Меню

/1918-1997/. Говь-Алтай аймгийн Бигэр сум. Говь-Алтай аймгийн Бигэр сумын “Эрх чөлөө” нэгдлийн тууварч малчин байхдаа Монгол Улсын Хөдөлмөрийн баатар /1968-06-13. №144/.
1938 оноос улсын бэлтгэлийн малыг Улаанбаатар хот, Хөвсгөл аймгийн Ханх зэрэг алс газарт 40-өөд жил тууварлахдаа дээд зэргийн тарга хүч авахуулж тоо толгой бүрэн тушааж хөдөлмөрийн гарамгай амжилт гаргаж баатар болсныхоо дараагийн таван жилд тарга хүчний гэрээт даалгавраас 116 тонн мах илүү тушааж 191 мянган төгрөгийн ашиг оруулсан байна. Ардын Их Хурлын депутатаар сонгогдож, Сүхбаатарын одон, бусад одон, медалиудаар шагнагджээ.