Меню

/1917-1991/. Баянхонгор аймгийн Баянцагаан сум. Баянхонгор аймгийн Баянцагаан сумын “Жаргалын зам” нэгдлийн хоньчин байхдаа Монгол Улсын Хөдөлмөрийн баатар /1971-06-03. №106/.
1941 оноос багийн дарга, сумын гүйцэтгэх захиргааны нарийн бичгийн дарга, нэгдлийн даргаар ажиллаж байгаад 1957 онд малчин болж жил бүр 520-1237 толгой хонь маллан, хотгүй отроор 67-75,5 кг тарга хүч авахуулж, нэгжээс 1,4-2,1 кг ноос авч, 405-675 эхээс гарсан төлийг бүрэн бойжуулж 14 жилд нэгдлийнхээ сүрэгт 7146 хонь нэмэрлэж, сүү цагаан идээний даалгаврыг тогтмол давуулан биелүүлж байжээ. 1966-1970 он буюу IV таван жилд төллөх 3280 хонь, 362 ямаа маллаж 3415 хурга, 363 ишиг бойжуулж, нэгдэлдээ 32046 төгрөгийн цэвэр ашиг оруулжээ. Улсын аварга малчин. Ардын Их Хурлын депутатаар сонгогджээ. Сүхбаатарын одон, Хөдөлмөрийн гавьяаны улаан тугийн одонгоор хоёр удаа, “Алтан гадас” одон, медалиуд Засгийн газрын хүндэт жуух бичгээр шагнагджээ.