Меню

/1922-2002/. Дундговь аймгийн Луус сум. Аж үйлдвэрийн комбинатын том ширний үйлдвэрийн ажилчин байхдаа Монгол Улсын Хөдөлмөрийн баатар /1971-07-02. №133/.
1939 онд аж үйлдвэрийн комбинатын булигаарын заводод ажилчнаар орж хөдөлмөрийн гараагаа эхэлжээ. 1942 оноос цэргийн алба хааж 1945 оны чөлөөлөх дайнд оролцсон ахмад дайчин . Цэргээс халагдаад үйлдвэртээ эргэж ирж тасралтгүй 40 гаруй жил ажиллахдаа 40 гаруй шинэ бүтээл, оновчтой санал гаргаж үйлдвэрлэлд нэвтрүүлжээ. Үүний дотроос 1961-1970 он буюу III, IV таван жилд 14 жил 5 сарын ажил хийж, 10 оновчтой санал гаргаж үйлдвэрлэлд нэвтрүүлснээс 63,9 мянган төгрөгийн хэмнэлт гаргаж, 50 хүнийг ажил мэргэжилдээ дагалдуулан сургасан байна. Социалист хөдөлмөрийн бригадын хөдөлгөөнийг үйлдвэртээ анх санаачлагчдын нэг байжээ. Ардын Их Хурлын депутатаар сонгогдож, МАХН, МҮЭ-ийн их хуралд удаа дараа төлөөлөгчөөр оролцсон байна. Сүхбаатарын одон, “Алтан гадас” одон, “Бид ялав” болон ойн хүндэт медалиудаар шагнагджээ.