Меню

/1930/. Булган аймгийн Тэшиг сум. Булган аймгийн Ингэттолгойн сангийн аж ахуйн тракторч-комбайнч байхдаа Монгол Улсын Хөдөлмөрийн баатар /1971-07-02. №133/.
1958 оноос трактор барьж Булган аймгийн Ингэттолгойн сангийн аж ахуйд тракторч-комбайнчаар олон жил ажилласан байна. 1959  онд хүлээн авсан “СК-3” комбайнаараа их засваргүй 9 жил ажиллахдаа жилийн нормыг 150-160 хувь  биелүүлж, 1960 оноос барьсан “ДТ-54” трактороороо IV таван жилд 4907 зөөлөн га-гийн ажил гүйцэтгэж, тракторын нормыг жил бүр 66-гаас дээш хувиар давуулж, хоёр техник дээр чадамгай хослон ажиллахын жишээг үзүүлжээ. Улсын аварга комбайнчаар удаа дараа шалгарсан байна. Ардын Их Хурлын депутатаар сонгогдож, МАХН-ын их хуралд төлөөлөгчөөр оролцож байжээ. Сүхбаатарын одонгоор хоёр удаа, Хөдөлмөрийн гавьяаны улаан тугийн одон, медалиудаар шагнагджээ.