Меню

/1914-1998/. Ховд аймгийн Дарви сум. Ховд аймгийн Дарви сумын “Сутайн хөгжилт” нэгдлийн хоньчин байхдаа Монгол Улсын Хөдөлмөрийн баатар /1973-04-25. №99/.
    Бага наснаасаа мал маллаж, 1954 онд нэгдэлд элсэж, 1963 он хүртэл адуучин, 1963-1981 онд хоньчноор ажиллаад насны тэтгэвэрт гарчээ. 1964-1971 оны найман жилд жил бүр 522-732 хонь маллан онд бүрэн оруулж, даалгавраас 400-гаадаар илүү, 5000 шахам буюу орон нутгийн жишгээр 9 суурь хургаар нэгдлийн сүргийг арвижуулжээ. Дунджаар хонь бүрээс 1616-1940 грамм, хурга тутмаас 512-630 грамм ноос авч байжээ. Улсын хошой аварга малчин. Сүхбаатарын одонгоор хоёр удаа, Хөдөлмөрийн хүндэт медаль, ойн хүндэт медалиудаар шагнагджээ.