Меню

/1940-2003/. Завхан аймгийн Тэлмэн сум. Сэлэнгэ аймгийн Ерөөгийн сангийн аж ахуйн тракторч-комбайнч байхдаа Монгол Улсын Хөдөлмөрийн баатар /1974-02-08. №38/.
    Сэлэнгэ аймгийн Шаамарын сургууль комбинатыг тракторч-комбайнч мэргэжлээр төгссөн. МХЗЭ-ийн илгээлтээр мөн аймгийн Ерөөгийн сангийн аж ахуйд очиж ажилласан анхны атарчдын нэг. Шинэ комбайн авсан анхны жил 1961 онд 480 га-гийн тариа хадаж, 5900 центнер ургац хурааж, норм төлөвлөгөөг 2 дахин давуулж биелүүлсэн амжилтаа дараах жилүүдэд бататган уринш, цэвдэгш хагалах, үр суулгах, ургац хураах, техник засварлах зэрэг ажлыг үлгэр жишээ гүйцэтгэж, 1966-1972 оны хооронд 1680 га-гийн ургац хураах нормоо 4890 га болгож 3 дахин ахиулж биелүүлэн 20 жилийн ажил хийж байсан, ургацын 10 удаагийн улсын аварга нэрт механикжуулагч байжээ. Ардын Их Хурлын депутатаар сонгогдож, МАХН-ын их хурлуудад төлөөлөгчөөр оролцож байжээ. Сүхбаатарын одонгоор хоёр удаа, Хөдөлмөрийн гавьяаны улаан тугийн одон, “Алтан гадас” одон, Ардын хувьсгалын ойн хүндэт медалиудаар шагнагджээ.