Меню

/1931/. Завхан аймгийн Цэцэн-Уул сум. Авто тээврийн нэгдүгээр баазын жолооч байхдаа Монгол Улсын Хөдөлмөрийн баатар /1975-07-16. №141/.
    Авто тээврийн нэгдүгээр баазад 1952-1987 онд жолоочоор тасралтгүй ажиллахдаа 1960-аад онд бааздаа анхны социалист хөдөлмөрийн бригадыг санаачлан байгуулсан, 1980-аад оны эхээр тээвэрчин бүр жилд 80-аас доошгүй литр бензин хэмнэх санаачилга гаргасан нь нийтийн хөдөлгөөн болж дэлгэрч байжээ. 8000 литрийн багтаамжтай хос торхтой чиргүүл санаачлан бүтээж ашигласнаар тээврийн үр ашгийг дээшлүүлж, улсын дөрвөн удаагийн аварга тээвэрчин болжээ. МАХН-ын их хуралд төлөөлөгчөөр оролцсон байна. Сүхбаатарын одон, бусад одон, медалиудаар шагнагджээ. Хөдөлмөрийн баатар, хоньчин С.Гончигбалын дүү.