Меню

/1924/. Сэлэнгэ аймгийн Хонгор сум. Дарханы сангийн аж ахуйн саальчин байхдаа Монгол Улсын Хөдөлмөрийн баатар /1976-06-07. №111/. Эмэгтэй.
1940-өөд оны эхний хагас буюу дэлхийн хоёрдугаар дайны хүнд жилүүдэд Улаанбаатар хотын оёдлын 6 дугаар артельд оёдолчноор ажиллаж хөдөлмөрийн амжилт бүтээлээрээ хошуучилж Хөдөлмөрийн хүндэт медаль, “Улсын ударник” цол, тэмдгээр шагнагджээ. 1956 онд төрөлх сум нутагтаа байгуулагдсан нэгдэлд элсэж, улмаар нэгдлээ сангийн аж ахуй болж өөрчлөгдөхөд түүнд шилжин орж саальчнаар ажилласаар насны тэтгэвэрт гарсан байна. Нутгийн үүлдрийн 20 үнээ хариуцан нэгжээс 1643 литр сүү сааж 1971 онд улсын аварга малчин болсон амжилтаа 1972 онд 1660, 1973 онд 1705 литр болгон ахиулж төлөвлөгөөгөө давуулан биелүүлж хөдөлмөрийн өндөр амжилт гаргасан байна. 1971-1975 он буюу V таван жилд 8 жилийн ажил хийжээ. Ардын Их Хурлын депутатаар сонгогдож, МАХН-ын XVII их хуралд төлөөлөгчөөр оролцжээ. Сүхбаатарын одон, Хөдөлмөрийн гавьяаны улаан тугийн одон, медалиудаар шагнагджээ.