Меню

/1935-1995/. Дорноговь аймгийн Баянмөнх /Өргөн/ сум. Дорноговь аймгийн Өргөн сумын “Шинэ амьдрал” нэгдлийн адуучин байхдаа Монгол Улсын Хөдөлмөрийн баатар /1976-06-07. №111/.
Орон нутагтаа 1957 онд нэгдэл байгуулалцаж, адуучнаар 22 жил ажиллахдаа хариуцсан сүргээ жил дараалан онд сайн оруулж, унага бойжуулах, хөөвөр, хялгас, бусад ашиг шимийн даалгавруудыг тогтмол давуулан биелүүлж улсын аварга малчин болсон амжилтаа дараах жилүүдэд ахиулан бататгаж хөдөлмөрийн өндөр амжилтын эзэн болсон арга туршлагаа сум, аймгийнхаа олон хүнд зааж эзэмшүүлсэн алдарт малчин байжээ. МАХН-ын XVII их хуралд төлөөлөгчөөр оролцжээ. Сүхбаатарын одон, “Алтан гадас” одонгоор хоёр удаа, ардын хувьсгалын ойн хүндэт медалиуд, Засгийн газрын Хүндэт жуух бичгээр шагнагджээ.