Меню

/1945-1983/. Увс аймгийн Сагиль сум. Увс аймгийн Баруунтурууны сангийн аж ахуйн комбайнч байхдаа Монгол Улсын Хөдөлмөрийн баатар /1979-10-24. №326/.
    Архустын сургууль комбинатыг 1966 онд, эчнээгээр ХААДС-ийг 1980 онд төгссөн. Тракторч-комбайнч, агрономич мэргэжилтэй. 1966-1969 онд Увс аймгийн Баруунтурууны мал аж ахуйн машинт станцад тракторч, 1969-1983 онд Баруунтурууны сангийн аж ахуйд механикжуулагчаар ажиллажээ. 1966-1985 оны хоорондох 20 жилд 54 жил 3 сарын ажил хийж, улсын ургацын 7 удаагийн аварга болж, VI, VII таван жилд 78,7 мянган төгрөгийн хэмнэлт гаргаж бахдам амжилтад хүрч байсан газар тариалангийн үйлдвэрлэлийг механикжуулж хөгжүүлэх, залуу механикжуулагчдыг ажил мэргэжилд нь сургаж дадлагажуулахад их хувь нэмэр оруулсан байна. Ардын Их Хурлын депутатаар сонгогдож, МАХН-ын XVII их хуралд төлөөлөгчөөр оролцжээ. Сүхбаатарын одон, “Алтан гадас” одон, медалиудаар шагнагджээ.