Меню

/1919-1990/. Дорноговь аймгийн Мандах сум. Дорноговь аймгийн Мандах сумын “Социализмын зам” нэгдлийн үхэрчин байхдаа Монгол Улсын Хөдөлмөрийн баатар /1979-12-01. №368/.
    Дорноговь аймгийн Прокурорт байцаагч, сумын АДХ-ын гүйцэтгэх захиргааны нарийн бичгийн дарга, багийн даргын алба ажлыг хашиж байгаад 1955 онд төрөлх сумандаа нэгдэл санаачлан байгуулалцсан хөдөө аж ахуйн ахмад ажилтан, нэгдлийн ууган гишүүн, халамжлан хүмүүжүүлэгч байжээ. 1955-1965 онд адуу, 1965-1985 онд 225-432 үхэр маллаж жил бүр хорогдолгүй онд оруулж, 1970-1979 оны 10 жилд 1066 үнээнээс 1066 тугал бойжуулж, дунджаар эр үхрийг 294 кг жинтэйгээр улсын бэлтгэлд тушааж, улсын хошой аварга малчин болжээ. МАХН, нэгдэлчдийн их хурлуудад төлөөлөгчөөр оролцож, Сүхбаатарын одон, Хөдөлмөрийн гавьяаны улаан тугийн одонгоор тус бүр 2 удаа шагнагджээ.