Меню

/1939/. Хэнтий аймгийн Биндэр сум. Хэнтий аймгийн Биндэр сумын “Бүтээлч” нэгдлийн саальчин байхдаа Монгол Улсын Хөдөлмөрийн баатар /1979-12-01. №368/. Эмэгтэй.
    Төрөлх сумынхаа “Бүтээлч” нэгдэлд 1955 оноос саальчнаар ажиллаж, улсад анх саальчдын социалист хөдөлмөрийн бригадыг алдарт саальчин Н.Цэвэлмаа агсантай хамт санаачлан байгуулж, мянгат саальчдын хөдөлгөөнийг өрнүүлэгчдийн нэг болж, тугалыг заядуулан бойжуулж, нэмэгдэл тэжээлээр тэжээн таргалуулж, үнээг хайдагшуулан саах аргыг эзэмшсэн алдарт саальчин ажээ. Жил бүр 15 үнээ хариуцан маллаж, 1960 оноос хойших 20 жилд үйлдвэрлэлийн даалгавраас 45-аар илүү, 360 тугал бойжуулж, 444 мянга гаруй литр сүү сааж, 19 жил мянгат саальчин болсон байна. Улсын хошой аварга малчин. Ардын Их Хурлын депутатаар сонгогдож байжээ. Сүхбаатарын одон, “Алтан гадас” одон, “Алдарт эх” II одон, Хөдөлмөрийн хүндэт медаль, ойн хүндэт медалиудаар шагнагджээ.