Меню

/1947/. Архангай аймгийн Цэнхэр сум. Ноосны үйлдвэрийн нэгдлийн ноосон нэхмэлийн үйлдвэрийн нэхэгч байхдаа Монгол Улсын Хөдөлмөрийн баатар /1980-06-24. №163/, Төрийн шагналт /1976/. Эмэгтэй.
    1965 онд бүрэн дунд сургууль төгсөөд МХЗЭ-ийн илгээлтээр Улаанбаатар хотын Нэхмэлийн үйлдвэрт нэхэгч, мастераар ажилласан байна. 1971 оноос уралдаанд шахуу тооцоотой үүрэг авч, улмаар хамтын тооцоотой чанарын бригад байгуулж ажиллан “Долгион” хөнжлийг нөхөн засалтгүйгээр чанарын онц үнэлгээтэй үйлдвэрлэж, түүний 7 метр тутмын нэг метрийг нь хэмнэсэн утсаар нэхэж, амласан хугацаанд нь 2,9 хувь давуулан биелүүлж олныг дагуулснаар тооцоотой үүрэг авч ажиллах явдал улс орон даяар дэлгэрчээ. Ийнхүү хөдөлмөрийг шинжлэх ухааны үндэстэй зохион байгуулах оновчтой арга, социалист уралдааны тооцоотой, дэвшилтэт хэлбэрийг сэдэж хэрэгжүүлсэн учир төрийн шагнал хүртсэн ажээ. Ардын Их Хурлын депутатаар сонгогдож, Ардын Их Хурлын орлогч даргаар ажиллаж байв. Сүхбаатарын одон, “Алтан гадас” одон, медалиудаар шагнагджээ.