Меню

/1926-1990/. Сүхбаатар аймгийн Онгон сум. Сүхбаатар аймгийн Онгон сумын “Хөгжилт” нэгдлийн ерөнхий нягтлан бодогч байхдаа Монгол Улсын Хөдөлмөрийн баатар /1980-10-25. №251/.
    Бага наснаасаа мал маллаж байгаад 1947 оноос цэргийн алба хааж, 1951 оноос Онгон сумынхаа анхны хоршоонд агент, багийн дарга, сумын захиргааны нарийн бичгийн дарга, 1959 оноос санхүү, бүртгэл тооцооны ажилд шилжиж Наран, Онгон сумын нэгдлүүдэд нягтлан бодогчоор 1986 он хүртэл ажиллаад насны тэтгэвэрт гарчээ. Мал аж ахуйн сууриас эхлээд нэгдлийн аж ахуйн бүх нэгжид анхан шатны бүртгэл хөтлөлтийг бүрэн нэвтрүүлж, орлого, зарлагыг нарийн тооцож, өр авлагагүй хамт олон болгож санхүүгийн хүчин чадлыг бэхжүүлж, 30 гаруй хүнийг бүртгэл тооцооны ажилд сургаж дадлагажуулжээ. Ингэснээр Сүхбаатар аймгийн нэгдлүүдийн дунджаас Онгон сумын “Хөгжилт” нэгдлийн нэг ажиллагчийн хөдөлмөрийн бүтээмж 1,9 мянган төгрөгөөр, дундаж цалин 745 төгрөгөөр, фонд өгөмж 4 мөнгөөр илүү болсон байна. МАХН-ын XVIII их хуралд төлөөлөгчөөр оролцжээ. Сүхбаатарын одон, Хөдөлмөрийн гавьяаны улаан тугийн одон, медалиудаар шагнагджээ.