Меню

/1938/. Хөвсгөл аймгийн Шинэ-Идэр сум. Шарын голын мод бэлтгэлийн аж ахуйн бригадын дарга, тракторч байхдаа Монгол Улсын Хөдөлмөрийн баатар /1980-12-20. №283/.
    Сэлэнгэ аймгийн Ерөө, Шарын голын мод бэлтгэлийн аж ахуйд уулын тракторчин, мастераар олон жил ажиллажээ. Шарын голд нэгдсэн бригадын дарга, тракторч байхдаа бригадын хамт олноо сайн зохион байгуулж, салбартаа анх аж ахуйн тооцоо нэвтрүүлж ажилласнаар хөдөлмөрийн бүтээмжийг дээшлүүлэх даалгаврыг 58,6 хувь давуулан биелүүлж, нэгж тракторын бүтээмжийг 15 мянган шоо метрт хүргэж, 26 мянган төгрөгийн хэмнэлт гаргаж, VII таван жилийн төлөвлөгөөг 1 жил 3 сарын өмнө биелүүлсэн жишээлэнгээр олон жил тогтвортой амжилт бүтээлтэй байсны зэрэгцээ шинэ бүтээл, оновчтой санал нэлээдийг гаргаж үйлдвэрлэлд нэвтрүүлжээ. Сүхбаатарын одон, Хөдөлмөрийн гавьяаны улаан тугийн одон, медалиудаар шагнагджээ.