Меню

/1924-1995/. Завхан аймгийн Цагаанчулуут сум. Завхан аймгийн Цагаанчулуут сумын “Майн нэгэн” нэгдлийн хоньчин байхдаа Монгол Улсын Хөдөлмөрийн баатар /1981-05-25. №149/.
    Сумынхаа “Майн нэгэн” нэгдэлд 1954 онд элсч 1960 оноос хоньчноор ажиллаж, жил бүр 400-1200 бог мал хариуцан маллаж, 1971-1980 оны хоорондох 10 жил буюу V, VI таван жилд 610-830 төллөх бог мал маллаж он цагт бүрэн сайн оруулж, 100 эх тутмаас 105-106 төл бойжуулж, үйлдвэрлэлийн даалгавраас хонины ноос 1784 кг, ямааны ноолуур 50,6 кг-ыг давуулан тушааж, бэлтгэсэн ямааны ноолуурынхаа 95 хувийг нэгдүгээр зэрэгт тушаасан зэргээр хөдөлмөрийн өндөр амжилт гаргасан байна. Ардын Их Хурлын депутатаар сонгогдож, МАХН-ын XVI, XVII их хуралд төлөөлөгчөөр оролцжээ. Сүхбаатарын одон, хошой “Алтан гадас” одон, “Бид ялав” медаль, Ардын хувьсгалын ойн хүндэт медалиудаар шагнагджээ