Меню

/1926/. Завхан аймгийн Жавхлант сум. Сэлэнгэ аймгийн Орхоны сангийн аж ахуйн хоньчин байхдаа Монгол Улсын Хөдөлмөрийн баатар /1981-06-26. №184/.
    Автомашины жолооч байхдаа 100 мянгач болж байсан энэ хүн Сэлэнгэ аймгийн Орхоны сангийн аж ахуйд 1968 оноос хоньчноор ажиллажээ. Дунджаар “Орхон” үүлдрийн эм хонийг намрын жинлэлтээр 60-70, хургыг 32-34 кг тарга хүчтэй болгож, V, VI таван жилд 424-590 хонь төллүүлж 100 эх бүрээс 85-126 төл бойжуулж, нэгжээс 2900-4600 гр ноос авч, сүүлийн таван жилд нь төлөвлөгөөнөөс 58,5 мянган төгрөгийн бүтээгдэхүүн илүү үйлдвэрлэсэн, улсын хошой аварга малчин, алдарт хоньчин юм. Ардын Их Хурлын депутатаар сонгогдож, МАХН-ын 2 их хуралд төлөөлөгчөөр оролцжээ. Сүхбаатарын одон, Хөдөлмөрийн хүндэт медаль, Ардын хувьсгалын ойн хүндэт медалиудаар шагнагджээ. Хөдөлмөрийн баатар жолооч Ж.Дагвын ах.