Меню

/1926/. Увс аймгийн Тэс сум. УБТЗ-ын илчит тэрэгний депогийн машинч байхдаа Монгол Улсын Хөдөлмөрийн баатар /1981-07-09. №232/.
    Төмөр замын машинчийн түр дамжаа төгсөөд 1953 оноос илчит тэрэг жолоодож төмөр замд 100 мянгачийн хөдөлгөөнийг 1967 онд анх санаачилсан байна. 1953-1973 оны хоорондох 20 жилд 1 сая 380 мянган км замыг гологдол гажуудалгүй туулахдаа нормоос 4590 тн ачааг илүү тээвэрлэж, улсад 95 мянган төгрөгийн цэвэр ашиг оруулж, 24,2 тн дизелийн түлш хэмнэж, 9 машинчийг дагалдуулан сургасан байна. Сүхбаатарын одон, Хөдөлмөрийн гавьяаны улаан тугийн одонгоор шагнагджээ.