Меню

/1942-нас барсан/. Булган аймгийн Бугат сум. Сэлэнгэ аймгийн Зүүнхараагийн сангийн аж ахуйн тракторч-комбайнч байхдаа Монгол Улсын Хөдөлмөрийн баатар /1984-03-22. №85/.
    16 настайгаасаа трактор жолоодож газар тариалангийн үйлдвэрлэлд оролцож эхэлсэн энэ эр 1964 оноос хойш тогтвортой амжилт бүтээл гаргаж улсын ургац хураалтын 10 удаагийн аварга болжээ. 1973 онд Ч.Баяраа /сүүлд хөдөлмөрийн баатар болсон/ нарын хэдэн нөхрийн хамт салаа байгуулж ахалж ажиллан уриншилсан талбайн га тутмаас жил бүр 18-20 центнер, 1984 онд 40 центнер ургац авч, улсын гурван удаагийн аварга салаа болгоод ажлаараа хоцорч байсан төмсний бригадад намын даалгавраар очиж ажиллаж өөд татсан байна. 1973-1983 оны 10 жилд 28 жил 3 сарын ажил хийж, сэлбэг, засварын зардлаас 42,6 мянган төгрөгийн хэмнэлт гаргасан байна. Улсын 10 гаруй удаагийн аварга юм. 1995 оноос Сэлэнгэ аймгийн Мандал сумын “Баян суудал хайрхан” фермерийн аж ахуйн захирлаар ажиллажээ. МАХН-ын XVII, МҮЭ-ийн XII их хуралд төлөөлөгчөөр оролцож, Сүхбаатарын одон, Хөдөлмөрийн гавьяаны улаан тугийн одон, “Алтан гадас” одон, Хөдөлмөрийн хүндэт медаль, “Атарчдын алдар” медалиар шагнагджээ