Меню

/1950/. Баян-Өлгий аймгийн Буянт сум. Сэлэнгэ аймгийн Шаамарын тэжээлийн аж ахуйн хадлангийн салааны ахлагч байхдаа Монгол Улсын Хөдөлмөрийн баатар /1984-03-22. №85/.
    Сэлэнгэ аймгийн Шаамарын тэжээлийн аж ахуйд 1969 оноос тракторчноор ажиллахдаа 1974 онд хадлангийн механикжсан бригад санаачлан байгуулж 10 жил дараалан төлөвлөгөөгөө 102-159 хувь биелүүлж, 9075 тн өвс буюу 1,4 сая төгрөгийн бүтээгдэхүүнийг илүү бэлтгэж, 14 жилийн ажил хийхдээ сэлбэг, шатах, тослох материалаас 20 шахам мянган төгрөгийн хэмнэлт гаргаж, салаагаараа улсын 7 удаагийн аварга, алтан медальт хамт олон, өөрөө 5 удаагийн аварга болсон байна. Ардын Их Хурлын депутатаар сонгогдож, МАХН-ын XVIII их хуралд төлөөлөгчөөр оролцжээ. Сүхбаатарын одон, Хөдөлмөрийн гавьяаны улаан тугийн одон, “Алтан гадас” одон, Засгийн газрын Хүндэт жуух бичгээр шагнагджээ.