Меню

/1935-1999/. Булган аймгийн Сэлэнгэ сум. Сэлэнгэ аймгийн “Найрамдал” сангийн аж ахуйн хоньчин байхдаа Монгол Улсын Хөдөлмөрийн баатар /1985-09-02. №202/.
    1953 оноос Булган аймгийн Сэлэнгэ, Сэлэнгэ аймгийн Цагааннуур суманд хоньчноор ажиллаж, эх орны “Хангай” үүлдрийн нарийн ноост хонийг бий болгох, бэлчээрийн маллагааны нөхцөлд нарийн ноост хонины аж ахуйг эрхлэх технологийг баяжуулж хөгжүүлэхэд хувь нэмрээ оруулсан шилдэг малчин байжээ. 1976-1986 онд жил бүр 450-470 хонь маллаж 1980-аас бусад онд хорогдолгүй онд оруулж, 100 эх тутмаас 100-123 төл бойжуулж, нэгжээс 3870-5300 гр ноос ашиглаж, ноос бэлтгэх төлөвлөгөөг 100-126 хувь биелүүлсэн байна. 1981-1984 онд төлөвлөгөөнөөсөө 600 шахам хургыг илүү бойжуулж, 1400 гаруй кг ноосыг давуулан тушаажээ. Улсын хошой аварга малчин. Сүхбаатарын одон, Хөдөлмөрийн гавьяаны улаан тугийн одон, хошой “Алтан гадас” одон, Хөдөлмөрийн хүндэт медаль, Засгийн газрын Хүндэт жуух бичгээр шагнагджээ.