Меню

/1933/. Дундговь аймгийн Хулд сум. Дундговь аймгийн Эрдэнэдалай сумын “Хөгжил” нэгдлийн хоньчин байхдаа Монгол Улсын Хөдөлмөрийн баатар /1986-04-03. №78/.
    Орон нутагтаа мал маллан аж төрж байгаад 1957 онд одоогийн Эрдэнэдалай сумын нэгдэлд элсч адуучин, хоньчноор ажиллахдаа аймагтаа анх социалист хөдөлмөрийн бригад байгуулж ахлан 1000 толгой адуу маллаж “Мянгатын бригад” хэмээн алдаршиж, хашаа хороо, худаг ус, агуулах байр гэхчлэн суурьт шаардлагатай материалын зүйлийг өөрсдийн хүчээр барьж тохижсон эднийх 1970 оноос хонин сүрэг маллаж, VI, VII таван жилд 873-1051 эр, сувай бог малыг хорогдолгүй маллаж, нэгжээс дунджаар 1199 гр уртын ноос, 346 гр ноолуур ашиглаж, улсын бэлтгэлд хаврын жингээр хонийг 41,8, ямааг 32,3 кг жинтэй тушааж, 10 жилд нэгдлийн дундажтай жишихэд бэлтгэлээс 643 хонь, 150 ямаа хэмнэсэн байна. Улсын аварга малчин. Ардын Их Хурлын депутатаар 2 удаа сонгогдож, МАХН-ын XVII, XVIII их хуралд төлөөлөгчөөр оролцжээ. Сүхбаатарын одон, хошой “Алтан гадас” одон, Ардын хувьсгалын ойн хүндэт медалиудаар шагнагджээ.