Меню

/1949-2004/. Говь-Алтай аймгийн Тайшир сум. АШҮН-ийн Шевретийн үйлдвэрийн ажилчин байхдаа Монгол Улсын Хөдөлмөрийн баатар /1986-04-03. №78/.
    Нийслэлийн 18 дугаар сургуулийг төгсөөд 1967-1987 онд арьс ширний долдугаар артелийн нарийн үсний цех, Шевретийн үйлдвэрийн үслэг эдлэлийн цехэд нормчин, 1987-1994 онд Үслэг эдлэлийн үйлдвэрийн Химийн боловсруулах цехэд будагчнаар ажиллажээ. 1994 оноос “Яармаг” хоршоо байгуулан ажиллажээ. VI, VII таван жилд 25 жил 8 сарын ажил хийж, бүтээгдэхүүнээ 100 хувь нэгдүгээр зэрэгт тэнцүүлсэн байна. Арьсны үсэнд хээ тавих арга санаачлан хонь, ямаа, тугал, унаганы арьсанд толбожуулах аргаар үндэсний хээ угалзан чимэглэл тавьж бүтээгдэхүүний үзэмжийг сайжруулжээ. Салбарынхаа 10-аад удаагийн аварга болжээ. МАХН-ын XVIII их хурал, МҮЭ-ийн их хуралд төлөөлөгчөөр оролцож, Сүхбаатарын одон, “Алтан гадас” одон, Ардын хувьсгалын ойн хүндэт медалиуд, Засгийн газрын Хүндэт жуух бичгээр шагнагджээ.