Меню

/1952-2003/. Өвөрхангай аймгийн Бүрд сум. Төв аймгийн Эрдэнэсант сумын ”Саруул амьдрал” нэгдлийн хоньчин байхдаа Монгол Улсын хөдөлмөрийн баатар /1988-05-16.№71/.
Бүрэн бус дунд боловсрол эзэмшээд МХЗЭ-ийн илгээлтээр Төв аймгийн Эрдэнэсант сумын ”Саруул амьдрал” нэгдэлд хоньчин болжээ. 1970-1973 онд цэргийн алба хаасны дараа уг нэгдэлдээ 1990 он дуустал төллөх хонь маллаж жил бүр 100 эх тутмаас 108-117 төл бойжуулж, үйлдвэрлэлийн даалгаврыг 105-111.9 хувиар тогтмол биелүүлж байсан шилдэг тэргүүний малчин байжээ. Улсын хошой аварга малчин. МАХН-ын XIX, МХЗЭ-ийн XVIII их хурлуудад төлөөлөгчөөр оролцсон байна. Сүхбаатарын одон, ”Алтан гадас” одон, ардын хувьсгалын ойн хүндэт медалиудаар шагнагджээ.