Меню

/1948/. Өмнөговь аймгийн Манлай суманд төрсөн. Дорноговь аймгийн Хатанбулаг сумын харьяат. Дорноговь аймгийн Хатанбулаг сумын “Шинэ өрнөлт” нэгдлийн тэмээчин байхдаа Монгол Улсын Хөдөлмөрийн баатар /1989-11-11. №178/.
    Бага сургууль төгсөөд 1961 оноос сумынхаа нэгдэлд малчин болж тэмээ маллаж “Тэргүүний малчин залуу” алтан медалиар шагнуулж байсан энэ эр 1967-1970 онд цэргийн алба хаасны дараа хүлээн авсан 240 тэмээгээ 1990 он хүртэлх хугацаанд 1129 болгож өсгөн, нэгдэлдээ 1,1 сая гаруй төгрөгийн орлого оруулжээ. 1980-1984 оны таван жилд 414-505 тэмээг хорогдолгүй маллаж ээлжийн 100 ингэ бүрээс ботго бойжуулж, үйлдвэрлэлийн даалгавруудаа 103,8-105,2 хувь биелүүлж улсын аварга малчин болсон амжилтаа дараах жилүүдэд бататган хамгаалж энэ эрхэм алдар цол хүртжээ. Ардын Их Хурлын депутатаар сонгогдож, МАХН-ын XVIII их хуралд төлөөлөгчөөр оролцсон байна. Сүхбаатарын одон, “Алтан гадас” одон, Хөдөлмөрийн хүндэт медаль, Засгийн газрын Хүндэт жуух бичгээр шагнагджээ.