Меню

/1940/. Баян-Өлгий аймгийн Баяннуур сум. Баян-Өлгий аймгийн Баяннуурын сангийн аж ахуйн ямаачин байхдаа Монгол Улсын Хөдөлмөрийн баатар /1990-07-07. №162/.
    Төрөлх сумынхаа нэгдэл, сангийн аж ахуйд 1959 оноос ямаачнаар ажиллаж, 1982-1984 оны гурван жилд ноолуурын чиглэлийн “Баян-Өлгий” үржлийн хэсгийн 450-471 эм ямаа маллаж, нэг бүрээс нь 556,8-628 грам ноолуур авч, үйлдвэрлэлийн даалгавруудаа 114,7-133,1 хувь биелүүлж улсын хошой аварга малчин болсон амжилтаа дараах жилүүдэд хамгаалан бататгаж, 1980-1989 оны 10 жилд төлөвлөгөөнөөсөө 224,9 кг ноолуур илүү бэлтгэж, 2,8 тн мах буюу 51 эр ямааг улсын бэлтгэлээс хэмнэж, 10 жилийн дүнгээр илүү тушаасан бүтээгдэхүүн, хэмнэсэн малаас 68 мянган төгрөгийн нэмэгдэл орлогыг аж ахуйдаа оруулсан байна. Энэ 10 жилийн сүүлийн 7 жилд нь ямаа төллүүлж төлөвлөгөөнөөс 494 ишиг илүү бойжуулжээ. Сүхбаатарын одон, Хөдөлмөрийн гавьяаны улаан тугийн одон, “Алтан гадас” одон, Хөдөлмөрийн хүндэт медаль, Ардын хувьсгалын ойн хүндэт медалиуд, Засгийн газрын Хүндэт жуух бичгээр шагнагджээ.