Меню

/1955/.  Говь-Алтай аймгийн Халиун сум. Хүүхдийн хувцасны II үйлдвэрийн оёдолчин байхдаа Монгол Улсын Хөдөлмөрийн баатар /1990-11-19. №40/. Эмэгтэй.
    Дунд сургуулийг 1973 онд, Алтай хот дахь ТМС-ийг 1975 онд төгссөн. Улаанбаатар хотод, хожим хүүхдийн хувцасны хоёрдугаар үйлдвэр гэх болсон гэр ахуйн эдлэлийн үйлдвэрт оёдолчин болж хөдөлмөрийн гараагаа эхэлсэн энэ эмэгтэй 1973-1989 оны 17 жилд 41 жилийн ажил хийж гарамгай амжилт гаргажээ. Өдөрт аль шаардлагатай 3-4 дамжлагын оёдлыг хийдэг учир бүтээл нь үйлдвэрийн дунджаас 2,2 дахин илүү байжээ. Ажил мэргэжилдээ 80 шахам хүнийг дагалдуулан сургасан байна. Ардын Их Хурлын депутатаар сонгогдож, МХЗЭ, МҮЭ, Монголын эмэгтэйчүүдийн их хурлуудад төлөөлөгчөөр оролцжээ. Сүхбаатарын одон, “Алтан гадас” одон, Хөдөлмөрийн хүндэт медалиар шагнагджээ.