Меню

/1932/. Архангай аймгийн Хотонт сум. Архангай аймгийн Хотонт сумын “Цацрал” нэгдлийн хоньчин байхдаа Монгол Улсын Хөдөлмөрийн баатар /1991-02-27. №38/.
    Бүрэн бус дунд сургууль төгссөн. Жолооч мэргэжилтэй. 1953-1957 онд Улаанбаатар хотын авто тээврийн артель, 1957-1965 онд Архангай аймгийн үйлдвэр хоршооллын артельд жолоочоор. 1965 оноос төрөлх сумынхаа “Цацрал” нэгдэлд хоньчноор ажилласан байна. “Хотонт” үржлийн хэсгийн хонь маллаж VII таван жилд 3500-гаад эхээс 4070 төл бойжуулж, даалгавраа 575 төлөөр, уртын ноосыг 450 кг, хурганы ноосыг 100 кг, ямааны ноолуур, хялгасыг тус тус 30-аад кг-аар давуулан биелүүлж, нэгдэлдээ 135 мянган төгрөгийн ашиг оруулж байжээ. 1980-1982 оны гурван жилд 538-574 эм хониноос 586-637 хурга буюу 100 эх тутмаас 108,9-111,5 төл бойжуулж улсын хошой аварга малчин болсон байна. 1990 онд Ардын Их Хурлын депутат, Улсын Бага Хурлын гишүүнээр сонгогдож ардчилсан шинэ Үндсэн хууль болон ардчилсан тогтолцооны эхний хуулиудыг батлалцжээ. Сүхбаатарын одон, бусад одон, медалиудаар шагнагджээ.