Меню

/1933-2002/. Хөвсгөл аймгийн Сүмбэр /Арбулаг/ сум. Эрчим хүчний техник туслалцааны барилга угсралтын трестийн мастер байхдаа Монгол Улсын Хөдөлмөрийн баатар /1991-05-07. №81/.
    Сумынхаа дунд сургуулийг 1948 онд, Улаанбаатар хотын Уул уурхайн техникийн сургуулийг 1950 онд төгсчээ. Уул уурхайн цахилгаанчин мэргэжилтэй. 1950-1960 онд Чулуунхороот, Чоногол, Бэрхийн уурхайд цахилгаанчин, 1960-1964 онд Цахилгаан монтажийн газарт монтёр, бригадын дарга, 1964-1992 онд Эрчим хүчний барилга угсралтын трестэд мастераар ажиллаад насны тэтгэвэрт гарчээ. Түлш, эрчим хүчний салбарт 42 жил ажиллаж Монгол орныг цахилгаанжуулах үйлст мэргэжил мэдлэг, туршлагаа зориулж, олон арван хүнийг ажил мэргэжилдээ сургаж дадлагажуулсан гавьяатай хүн байжээ. Сүхбаатарын одон, Хөдөлмөрийн гавьяаны улаан тугийн одон, Хөдөлмөрийн хүндэт медаль, Ардын хувьсгалын ойн хүндэт медалиудаар шагнагджээ.