Меню

/1931-2001/. Төв аймгийн Баянцагаан сум. Төв аймгийн Баянцагаан сумын “Өрнөх-Амьдрал” нэгдлийн хоньчин байхдаа Монгол Улсын Хөдөлмөрийн баатар /1991-07-03. №134/.
    Улсын сайн малчин аавынхаа арга туршлагыг өвлөн эзэмшиж мал маллагаанд дадлагажсан энэ хүн сумынхаа “Өрнөх-Амьдрал” нэгдлийг 1956 онд үүсгэн байгуулалцаж хоньчноор 34 жил ажиллажээ. 1981-1990 оны хоорондох 10 жилд дунджаар 642 хонь хорогдолгүй маллаж, 100 эх тутмаас 106-110 төл бойжуулж, ашиг шимийн даалгавруудыг 101-139 хувь биелүүлж, нэгжээс авах уртын ноосыг 1761 граммд хүргэж өндөр амжилт гаргажээ. 1988 онд Улсын аварга малчин болсон байна. МАХН-ын XIX их хуралд төлөөлөгчөөр оролцжээ. Сүхбаатарын одон, Хөдөлмөрийн хүндэт медаль, Ардын хувьсгалын 60, 70 жилийн ойн хүндэт медалиар шагнагджээ.