Меню

/1949/ Улаанбаатар хот. Геологи шинжилгээний “Улаанбаатар” нэгдлийн хайгуулын ангийн өрмийн ахлах мастер байхдаа Монгол Улсын Хөдөлмөрийн баатар /1991-07-04.№144/
    Геологи шинжилгээний хайгуулын ангид өрмийн мастераар 1967 оноос эхлэн ажиллаж, өрөмдлөгийн суурь машины хөдөлгүүрийг солих, угаалгын шингэний шахуургын хурдны хайрцгийг нэмж төхөөрөмжлөх, химийн шинэ жор боловсруулж цооногийн ханыг бэхжүүлэх зэрэг 10 гаруй шинэ санаачилга, аргачлал гаргаж 500 мянган төгрөгийн арвилан хэмнэлт гаргасан, суурь машины бүтээлийг 495 тууш метрт хүргэсэн нь нэгдлийнх нь дунджаас 10.8 хувь, улсын дунджаас 13 хувь дээгүүр болсон, геологи хайгуулын чанарын гол үзүүлэлт болох өрөмдлөгийн үеэр авдаг крений дундаж гарц 76.6 хувь байсан нь салбарынхаа дунджаас 6.6 хувь илүү болон бригадаараа 1981-1990 оны 10 жилд 13 жил 3 сарын ажил хийсэн зэрэг амжилт бүтээлээрээ энэ эрхэм хүндэт алдар цолыг хүртжээ. Сүхбаатарын одон, Хөдөлмөрийн гавьяаны улаан тугийн одон, “Алтан гадас” одон, Засгийн газрын Хүндэт жуух бичгээр шагнагджээ.