Меню

/1951/ Увс аймгийн Өмнөговь сум. Увс аймгийн тээврийг удирдах газрын жолооч байхдаа Монгол Улсын Хөдөлмөрийн баатар /1991-07-04.№145/
    Дунд сургууль төгссөн. 1966-1969 онд “Цог” нэгдэлд ажиллаж байгаад 1969-1972 онд цэргийн алба хаахдаа армид жолоочийн мэргэжил эзэмшжээ. 1972 оноос Увс аймгийн Тээврийг удирдах газрын 9 дүгээр баазад ажиллаж 1981 онд “Улсын залуу аварга тээвэрчин”, 1987 онд Онц тээвэрчин, 1989 онд “Осолгүй манлай” жолооч болжээ. 1974 онд хүлээж авсан “Зил-130” машинаа их засваргүй 16 жил барихдаа 1030 мянган км явж, норм төлөвлөгөөгөө тогтмол давуулан биелүүлж, 5804.9 сая тн/км-ийн ажил хийж, 245.5 мянган төгрөгийн хэмнэлт гаргасан байна. Аймгийнхаа хүүхдийн эмнэлэгт хувийн хөрөнгөөрөө “Москвич-2140” машин авч бэлэглэжээ. 1990 онд Ардын Их Хурлын депутатаар сонгогдож, 1992 онд Ардчилсан шинэ Үндсэн хуулийг батлалцжээ. Сүхбаатарын одон, бусад одон, медалиар шагнагджээ.