Меню

/1943/. Завхан аймгийн Сантмаргац сум. Завхан аймгийн Дөрвөлжин сумын “Таван-Эрдэнэ” ХК-ийн захирал байхдаа Монгол Улсын Хөдөлмөрийн баатар /1993-07-08. №39/.
    ХААДС-ийг 1969 онд зоотехникч мэргэжлээр төгссөн. 1971-1982 онд Завхан аймгийн Цэцэн-Уул сумын нэгдэлд зоотехникч, 1982 оноос мөн аймгийн Дөрвөлжин сум, нэгдлийн дарга, “Таван-Эрдэнэ” хоршооны даргаар ажиллаж ирлээ. Орон нутагтаа мал төллүүлэх, зохистой хугацааг тогтоосноор төлийн хорогдлыг багасгасан. “Буурал” омгийн ямааг үржүүлэх ажилд амжилт гаргасан. 130-аад мянган га бэлчээрийг зөвхөн мал төллүүлэх үед ашиглахаар нөөцөлж бэлчээрийн менежментийг сайжруулсан, 160-аад га талбайг хашиж, услан ургацыг нэмэгдүүлэн хамгаалж тэндээсээ хэрэгцээт хадлан өвсний 70-аад хувийг авдаг болсон зэргээр нэгдлээ тэргүүний нэгдлийн нэг болгосон бол зах зээлийн гарааны үед хоршоогоо “Говь” компанитай түншлүүлж ноолуур нийлүүлж ашиг орлого сайтай аж ахуй болгосон байна. Одоо ноос угаах, эсгий хийх хоёр үйлдвэрийг байгуулан ажиллуулж байна. 1990 онд анхны ардчилсан сонгуулиар Ардын Их Хурлын депутатаар сонгогдож, ардчилсан шинэ Үндсэн хуулийг батлалцжээ. Сүхбаатарын одон, бусад одон, медалиар шагнагджээ.