Меню

/1943/. Увс аймгийн Тэс сум. УБТЗ-ын зүтгүүрийн депогийн машинч байхдаа Монгол Улсын Хөдөлмөрийн баатар /1998-07-17. №108/.
    Улаанбаатар хотод Төмөр замын техникумыг төгсөөд Сайншанд өртөөний депогоос хөдөлмөрийн гараагаа эхэлжээ. 1974 оны дөрөвдүгээр сарын 22-нд анх бие дааж илчит тэрэг жолоодсон машинч ажээ. 1980 онд Монголын төмөр замд “2м62м” серийн илчит тэрэг ирэхэд анх жолоодсон, Монгол-Зөвлөлтийн сансрын хамтарсан нислэгийн багийнхныг Монголд 1981 онд айлчлахад тэдний хөлгийг барьсан дурсгалтай үйл явдал түүний амьдралд цөөнгүй тохиолджээ. Илчит тэрэгний машинчаар 33 жил ажиллахдаа 1,5 сая км зам туулж, 933 мянган тн ачааг нормоосоо илүү тээвэрлэж, 208 тн дизелийн түлш хэмнэж, байгууллага, төмөр зам, улсын аваргаар 17 удаа шалгарсан байна. Сүхбаатарын одон, Хөдөлмөрийн гавьяаны улаан тугийн одон, медалиудаар шагнагджээ.