Меню

/1946/. Архангай аймгийн Өлзийт сум. УБТЗ-ын зүтгүүрийн депогийн машинч байхдаа Монгол Улсын Хөдөлмөрийн баатар /2001-11-01. №74/.
    Улаанбаатарт Төмөр замын техникумыг төгссөн. Илчит тэрэгний техникч, механикч, машинч мэргэжилтэй . УБТЗ-ын Илчит тэрэгний зүтгүүрийн депод 1964 оноос машинчаар ажиллаж, 38 жилд 1,7 сая км зам туулж, 1981 оноос хойш 181,3 мянган литр түлш хэмнэж, 1984 онд улсын чанарын аваргаар шалгарчээ. 1984 оноос хойших 16 жилд төлөвлөгөөнөөсөө 135,8 сая тн/км-ийн ажлыг илүү гүйцэтгэж, 86048 л түлш хэмнэж, 21,6 сая төгрөгийн ашгийг байгууллагадаа оруулж, галт тэрэгний хөдөлгөөнд учирч болох олон удаагийн осол сүйрлээс урьдчилан сэргийлж, галт тэргэнд хүн, мал дайрагдахаас 40 гаруй удаа аварчээ. Сүхбаатарын одон, “Алтан гадас” одонгоор 2 удаа, Хөдөлмөрийн хүндэт медаль, Ардын хувьсгалын 50, 60, 70, 80 жилийн ойн хүндэт медалиуд, ОХУ-ын “Найрамдал” одонгоор шагнагджээ.