Меню

Монгол Улсын Хөдөлмөрийн баатар цолны тухай
Монгол Улсын Хөдөлмөрийн баатар цолыг БНМАУ-ын Ардын Их Хурлын Тэргүүлэгчдийн 1956 оны 12 дугаар сарын 31-ний 234 дүгээр зарлигаар бий болгожээ. Эх орноо хөгжүүлэх, бүтээн байгуулах үйлст гарамгай хувь нэмэр оруулсан хүмүүст уг цолыг хүртээдэг бөгөөд Сүхбаатарын одон, "Алтай соёмбо" тэмдгээр шагнаж, үнэмлэх олгодог юм.
Монгол Улсын Хөдөлмөрийн баатар цол хүртсэн хүн 2006 оны I үлирлын байдлаар 381 байна. Хөдөлмөрийн баатар цол хүртсэн хүмүүс үндсэндээ материаллаг үйлдвэрлэлийн салбарт ажиллагсад бөгөөд тэд нийт цол хүртэгсдийн 90 гарүй хувийг эзэлж байна. Монгол Улсын Хөдөлмөрийн баатар цол хүртэгсдийн жагсаалтаас үзэхэд ууган баатар 1957 онд аж үйлдвэрийн салбараас /Налайхын нүүрсний уурхайн бэхлэгч-малтагч Д.Даваажав/, удаахь баатар 1958 оны 2 дугаар сард хөдөө аж ахуйн салбараас /Ерөөгийн сангийн аж ахуйн тракторч-комбайнч Н.Бямбацогт/, гурав дахь нь авто тээврийн салбараас /Говь-Алтай аймгийн авто тээврийн VII баазын жолооч Ц.Лувсансамбуу/ төрсөн байна.

Ш.Хэнмэдэх, П.Төмөрбаатар
Алдар гавьяатны өргөө
2007 он